Thirukural

திருக்குறள்

அறம் / பாயிரவியல் / கடவுள் வாழ்த்து

குறள் : 9

கோளில் பொறியின் குணமிலவே எண்குணத்தான்

தாளை வணங்காத் தலை.

மணக்குடவர் உரை :

அறிவில்லாத பொறிகளையுடைய பாவைகள் போல, ஒரு குணமுமுடையனவல்ல; எட்டுக் குணத்தினை யுடையவன் திருவடியினை வணங்காத தலையினையுடைய உடம்புகள். உயிருண்டாகில் வணங்குமென் றிழித்து உடம்புக ளென்றார்.

மு.வரதராசனார் உரை :

கேட்காதசெவி, பார்க்காத கண் போன்ற எண் குணங்களை உடைய கடவுளின் திருவடிகளை வணங்காதவரின் தலைகள் பயனற்றவைகளாம்.

மு.கருணாநிதி உரை :

உடல், கண், காது, மூக்கு, வாய் எனும் ஐம்பொறிகள் இருந்தும், அவைகள் இயங்காவிட்டால் என்ன நிலையோ அதே நிலைதான் ஈடற்ற ஆற்றலும் பண்பும் கொண்டவனை வணங்கி நடக்காதவனின் நிலையும் ஆகும்.

சாலமன் பாப்பையா உரை :

எண்ணும் நல்ல குணங்களுக்கு எல்லாம் இருப்பிடமான கடவுளின் திருவடிகளை வணங்காத தலைகள், புலன்கள் இல்லாத பொறிகள்போல, இருந்தும் பயன் இல்லாதவையே.

ஆங்கில மொழிபெயர்ப்பு :

Before His foot, ‘the Eight-fold Excellence,’ with unbent head, Who stands, like palsied sense, is to all living functions dead.

ஆங்கில உரை :

The head that worships not the feet of Him who is possessed of eight attributes, is as useless as a sense without the power of sensation.

My Remarks and Opinion:

In this Kural, the meaning given by Manakudavar, the very first of the all other translators is more meaningful than others. Here he means, கோளில் பொறி means, puppets and dolls. They have no thinking process and ability. They are just dolls. When you do not accept and follow the wise and literate you are just like a doll or puppet.